2019-cu il oktyabrın 30-dan noyabrın 1-dək Qafqaz Dağ Regionun Elmi Şəbəkəsinin təşkilatçılığı ilə Türkiyənin Ankara şəhərində “2-ci Qafqaz Dağ Forumu” keçirildi. Forumda Azərbaycandan, Gürcüstandan, Türkiyədən, İran İslam Respublikasından, Rusiya Federasiyasından, Ermənistandan nümayəndələr iştirak edirdilər. Azərbaycan heyətini Azərbaycan Milli Elmlər Akademiyasının, Xəzər Universitetinin (Rövşən Abbasov, Rövşən Kərimov və Günay Kərimova), Azərsu Açıq Səhmdar Cəmiyyətinin, Azərbaycan Dövlət Neft və Sənaye Universitetinin nümayəndələri təmsil edirdilər. Forumda Rövşən Abbasov “Azərbaycanda yüksək dağ ekosistemləri üçün ekosistem xidmətləri üçün ödənişlərin tətbiqi”, Rövşən Kərimov “Azərbaycanda regionların davamlı demoqrafik inkişafı”, Günay Kərimova isə “Peyk şəkillərindən istifadə edərək, kənd təsərrüfatı landşaftlarında dəyişikliklərin aşkarlanması” mövzusunda çıxış etdilər.