2019-cu il oktyabrın 25-28-də Azərbaycan Bəstəkarlar İttifaqının 85 illiyinə həsr olunmuş musiqi festivalı keçirilmişdir. Ölkənin bir neçə aparıcı salonlarında keçirilmiş festivalın növbəti konserti oktyabrın 27-də Rəşid Behbudov adına Mahnı teatrında olmuşdur. Tədbirdə Bəstəkarlar İttifaqının rəhbərliyi, musiqi ictimaiyyətinin nümayəndələri, tamaşaçılar iştirak etmişlər.

Konsertdə Xəzər Universiteti Kamera orkestrinin (bədii rəhbər universitetin Musiqi və incəsənət departamentinin müdiri, əməkdar müəllim, pianoçu Zülfiyyə Sadıqova) müşayiəti ilə müğənni Rasimə Seyidcahan Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının sözlərinə Elza Seyidcahanın bəstələdiyi “Bakı” mahnısını ifa etmişdir.