2019-cu il sentyabrın 10-dan 13-dək Manisa Celal Bayar Universitetinin əməkdaşı Dr. Seval Özbalcı Erasmus+ Staff Mobility proqramı çərçivəsində Xəzər Universitetinin Kitabxana-İnformasiya Mərkəzində oldu. Həmin müddətdə Dr. Seval Özbalcı Kitabxana-İnformasiya Mərkəzinin iş prinsipləri, resursları və xidmətləri ilə tanış oldu. İki universitet kitabxanasının iş qaydaları arasında oxşar və fərqli cəhətləri müzakirə olundu. Gələcəkdə iki akademik kitabxana arasında əməkdaşlığın davam etdirilməsi və informasiya resurslarının mübadiləsi planlaşdırıldı.