2019-cu il iyulun 16-da Bakı Dövlət Universitetində Təhsil Nazirliyi və BDU-nun təşkilatçılığı ilə “Ali təhsil müəssisələrində PR: strukturun və media ilə işin düzgün qurulması, hədəf auditoriyaları” mövzusunda təlim-konfrans keçirildi. Tədbirdə ali təhsil müəssisələrinin mətbuat xidmətinin rəhbərləri, dəvət olunmuş jurnalistlər iştirak edirdilər. Xəzər Universiteti “Xəzər Xəbər” jurnalının baş redaktor müavini, əməkdar jurnalist Əlirza Balayevlə təmsil olunurdu.
Təlim-konfransı BDU-nun rektoru Elçin Babayev açaraq, geniş çıxış etdi, tədbirin əhəmiyyətindən danışdı. Sonra tədbir Təhsil Nazirliyinin Mətbuat xidmətinin rəhbəri Cəsarət Valehovun moderatorluğu ilə işini davam etdirərək, təqdimat və çıxışlar dinlənildi, müzakirələr aparıldı. Sonda mövzu ilə əlaqədar tövsiyələr bildirildi.