2019-cu il aprelin 16-da Xəzər Universitetinin Psixologiya departamentinin müəllimi Nilufər Əlizadə Azərbaycan Dövlət İqtisad Universitetinin dəvətilə “Sağlamlıq psixologiyası” adlı seminarla çıxış etdi. Seminarda psixologiyanın elm kimi yaranma tarixi, tarix boyu şuür və şüuraltının insan bədənindəki rolunu qəbullanma mexanizmi, nəticədə, sağlamlıq psixologiyasının yaranması və hazırda Azərbaycanda və xarici ölkələrdə, xüsusilə də, İngiltərədəki tətbiqi haqqında praktiki nümünələrlə danışıldı. Hazırda aktual olan psixoloji xidmət haqqında yaranan stiqma və bunun insanlar üzərindəki neqativ təsiri də seminarda xüsusi vurğulandı. Tələbələrin istəyini nəzərə alaraq, sonda xaricdə təhsil və bu yolda düzgün strategiyanın qurulması haqqında müzakirələrə də yer verildi.