2019-cu il aprelin 12-də Oksford, Linkoln və Kembric universitetlərinin nümayəndələri Xəzər Universitetində oldular.

Görüşün məqsədi “Elm, fəlsəfə və teologiya: Mərkəzi və Şərqi Avropada perspektivlər” adlı akademik layihə haqqında məlumat vermək idi. Layihə Oksford Universitetinin təşəbbüsü, Templeton Fondunun maliyyə dəstəyi ilə Mərkəzi və Şərqi Avropa ölkələrində qeyd edilmiş sahələrdə perspektivli işlərin həyata keçirilməsini hədəfləyir.

Görüşdə Xəzər Universitetinin əməkdaşlarından Keyfiyyətin Təminatı Mərkəzinin direktoru Lyudmila Sotova, Beynəlxalq əlaqələr şöbəsinin direktoru Turan Cəfərova, Magistratura, doktorantura və elmi işlər bölməsinin koordinatoru Cabir Məmmədli, Psixologiya departamentinin koordinatoru və Xəzər Psixoloji Mərkəzinin direktoru Mələk Kərimova, Təlim Mərkəzinin direktoru Ülkər Bayramova, Siyasi elmlər və fəlsəfə departamentinin müəllimləri Dr. Vasif Hüseynov və Tural Hüseynli, həmin departamentinin əməkdaşı Aygün Əliyeva iştirak etdilər.

Əməkdaşlar qonaqlara universitetin tədqiqat imkanları, beynəlxalq əlaqələri barədə məlumat verdilər. Bundan əlavə, görüşdə birgə tədqiqat, konfransların, akademik layihələrin təşkili üzrə qarşılıqlı əməkdaşlıq imkanları müzakirə olundu.