2019-cu il martın 29-da Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və Şuranın müşaviri Nailəxanım İsayeva SSRİ xalq artisti, bəstəkar, dirijor, pianoçu və pedoqoq, Dağıstan peşəkar musiqisinin əsasını qoyan şəxsiyyətlərdən biri Murad Kajlayevin dəvətilə Dağıstan Respublikasının (Rusiya Federasiyası) Mahaçqala şəhərində Beynəlxalq Musiqi Festivalı çərçivəsində konsert proqramında iştirak etdilər.

Konsertdə soprano Albina Xripkova  simfonik orkestrin müşayiətilə Murad Kajlayevin Hamlet İsaxanlının altı şeirinə bəstələdiyi əsərlərini ifa etdi. Həmçinin, konsert proqramı zamanı bəstələnmiş əsərlərin çap olunduğu iki kitab da təqdim olundu.