2019-cu il martın 29-da Xəzər Universitetində Azərbaycan Respublikası Əmək və Əhalinin Sosial Müdafiəsi Nazirliyi Bakı Məşğulluq İdarəsi ilə birlikdə əmək yarmarkası keçirildi. Tədbiri giriş sözü ilə Xəzər Universitetinin rektoru vəzifəsini icra edən dosent İradə xanım Xəlilova açaraq, karyera yarmarkasının əhəmiyyətindən danışdı. Bakı şəhər Məşğulluq Mərkəzi idarə rəisinin müavini Fatimə Ələkbərova və digərləri çıxış edərək, əmək yarmarkasının vacibliyindən danışdılar. Əmək yarmarkasında Bakı şəhərində fəaliyyət göstərən 55 şirkət iştirak edirdi. Bu şirkətlər tərəfindən 278 vakant yerlər iş axtaranlara təqdim edildi. Xəzər Universitetinin yuxarı kurs tələbələri 4 saat sürən əmək yarmarkasında fəal iştirak edərək, onlara uyğun işlər üçün müraciətlər etdilər.