2019-cu il martın 31-də Xəzər Universiteti Coğrafiya və ətraf mühit departamentinin təşkilatçılığı ilə çöl işi fənnindən Abşeron Milli Parkına ekskursiya təşkil olundu. Milli Park Abşeron yarımadasının cənub-şərq qurtaracağında –Şah dili ərazisində yerləşir. Çöl tədqiqatı zamanı tələbələr əvvəlcə Abşeron Milli Parkının “Şah dili” marşrutu (8 km) ilə hərəkət etdilər. Burada dəniz sahili, su-bataqlıq ərazisi, yarımsəhra landşaftı, yovşan, or sarmaşığı, yabanı kük, adi qamış, iti cığ və s. bitki növləri, su bataqlıq quşları (qaşqaldaq, bizquyruq, qarabatdaq, ördəkkimilər və s.), Xəzər tısbağası, su ilanı və s. heyvanları, “Qırmızı kitab”a daxil olan Xəzər suitisi, ceyran, adi soltanquş, ağgöz qaraördək, adi flaminqo, kürən vağ, qıvrımlələk qutan və s. növlər haqqında ərtaflı praktiki biliklər aldılar.