2019-cu il martın 28-də Bakı şəhərində EURİE-nin (Avrasiya Universitələr Birliyi) “Türkiyə-Azərbaycan: Təhsilin birgə inkişaf yolları” mövzusunda elmi-praktik konfransı keçirildi. Konfransı giriş sözü ilə İstanbul Aydin Universitetinin təsisçisi, EURİE-nin Prezidenti Mustafa Aydın açaraq, Türkiyə və Azərbaycan universitetləri arasında yaranmış əlaqələrdən və gələcəkdə qarşıda duran məsələlərdən danışdı. Konfransda millət vəkilləri Musa Qasımlı, Elman Nəsirov, Jalə Əliyeva, Azərbaycan Dövlət Neft və Sənaye Universitetinin rektoru Mustafa Babanlı, Bakı Ali Neft Məktəbinin rektoru Elmar Qasımov, “Odlar Yurdu” Universitetinin rektoru professor Əhməd Vəliyev, Xəzər Universitetinin rektoru vəzifəsini icra edən dosent İradə Xəlilova və digərləri çıxış edərək, Azərbaycan universitetlərinin bugünkü vəziyyəti haqqında çıxış etdilər. Toplantıda İctimai əlaqələr və media üzrə direktor Əlövsət Əmirbəyli iştirak etdi.

Sonda qonaqların şərəfinə ziyafət verildi.