2019-cu il martın 13-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və İctimai əlaqələr və media üzrə direktor Əlövsət Əmirbəyli və şair-yazar İmdat Avşar Nevşehir Hacı Bektaş Veli Universitetində oldular. Universitetin rektoru, professor Mazhar Bağlı qonaqları səmimi salamlayaraq, universitet haqqında məlumat verdi. H.İsaxanlı Xəzər Universitetinin yaradılması və bu günə kimi gördüyü işlərdən danışdı və hədiyyələrini rektora təqdim etdi. Nevşehir Hacı Bektaş Veli Universitetinin hədiyyəsini və təşəkkür plaketini Hamlet İsaxanlıya təqdim etdi. O, Bakıdan gələn qonaqların şərəfinə ziyafət verdi.
Hər iki universitetin rəsmiləri tərəfindən müqavilələr imzalandı.