Xəzər Universiteti İngilis dili və ədəbiyyatı departamentinin təşkil etdiyi“Bədii qiraət klubu” fevralın 28-də departamentin baş müəllimi Firəngiz Nəsirovanın rəhbərliyi ilə fəaliyyətə başladı. Məşğələdə bakalavriat və magistratura tələbələri, əməkdaşlar və qonaqlar iştirak edirdilər.

Məşğələni Firəngiz Nəsirova açaraq, bədii qiraət sənətinin əhəmiyyəti və xüsusiyyətləri haqqında danışdı. İngilis dili və ədəbiyyatı departamentinin müdiri Bahman Amani, departamentin müəllimi Milana Abbasova, Humanitar, təhsil və sosial elmlər fakültəsinin dekan müavini Validə Kərimova, tikinti-təmir işləri üzrə menecer Şahin İsayev və başqaları Azərbaycan, rus, ingilis və fars dillərində şeirlər söylədilər. Tələbələr Şekspirin sonetlərini ingilis dilində ifa etdilər.

Tədbirdə Universitetin İctimai əlaqələr və media üzrə direktoru Əlövsət Əmirbəyli iştirak edirdi.