2019-cu il martın 12-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, İctimai əlaqələr və media üzrə direktor Əlövsət Əmirbəyli, türkiyəli şair-yazar İmdat Avşar Niğde Ömer Halisdemir Universitetində oldular. Universitenin rektoru professor Muhsin Kar, prorektorlar, fakültə dekanları qonaqları çox səmimi qarşıladılar. Rektor Muhsin Kar qonaqlara universitet haqqında geniş məlumat verdi. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Xəzər Universiteti, oradakı fakültələr və ixtisaslar haqqında məlumat verərək Niğde Ömer Halisdemir Universitetinin rektoruna hədiyyə təqdim etdi. Sonra Niğde Ömer Halisdemir Universiteti Elmi Şurası üzvlərinin iştirakı ilə hər iki universitet arasında anlaşma protokolu və Mevlana mübadilə protokolu imzalandı. M.Kar Hamlet İsaxanlıya universitetin hədiyyələrini təqdim etdi. Universitetin rektoru adından Xəzər Universitetindən gələn qonaqların şərəfinə geniş ziyafət verildi. Ziyafətdən sonra qonaqlar universitet və orada yaradılmış müasir laborotoriyalarla tanış oldular. Hər iki universitetin rəhbəri gələcəkdə birgə simpoziumlar, konfranslar keçirtməyi qərara aldılar.