2019-cu il martın 7-də Xəzər Universitetinin rektoru vəzifəsini icra edən və Elmi işlər üzrə prorektor dosent İradə Xəlilova Böyük Britaniyanın Durham Universitetində oldu və bir sıra şəxslərlə görüşlər keçirdi. İ.Xəlilova səfər zamanı Durham Universiteti Bioloji elmlər departamentinin dosenti Gary Sharples, Yer elmləri departamentin Geokimya sahəsi üzrə rəhbəri professor Chris Greenwell, Bioloji elmlər departamentinin Elmi işlər üzrə direktoru professor Nigel Robinson, Tədqiqatlar və innovasiyalar üzrə şöbənin rəhbəri Lorna Yulson, Beynəlxalq şöbənin Orta Asiya və Afrika bölgələri üzrə meneceri Dr. Kola Mudashiru, Xarici universitetlərlə mübadilə və xaricdə təhsil üzrə menecer Emma Pearce, Matariki Universitetlər şəbəkəsi katibliyinin rəhbəri Lucy Turzynski ilə görüşlər keçirdi. 

Görüş zamanı Xəzər Universiteti və Durham Universiteti arasında birgə tədqiqat layihələri, gələcək yeni əməkdaşlıq yolları və birgə təhsil proqramları haqqında müzakirələr aparıldı.