2019-cu il martın 11-də Xəzər Universitetinin Humanitar, təhsil və sosial elmlər fakültəsinin dekanı dosent Elza Səmədovanın sədrliyi ilə fakültənin elmi şurasının iclası keçirildi. Elmi şuranın iclasında universitetin Dillər və ədəbiyyatlar departamentinin müdiri dosent Vurğun Əyyub, Tarix və arxeologiya departamentinin müdiri dosent Roza Arazova; Riyaziyyat departamentinin müdiri Ph.D. Əli Hüseynli, İngilis dili və ədəbiyyatı departamentinin müdiri Ph.D. Bahman Amani, Musiqi və incəsənət departamentinin müdiri Zülfiyyə Sadıqova, Siyasi elmlər və beynəlxalq münasibətlər departamentinin müdiri Ph.D. Elmar Mustafayev, Dillər və ədəbiyyatlar departamentinin müəllimi dosent Dilbər Zeynalova, Xəzər Psixoloji Xidmət Mərkəzinin direktoru Mələk Kərimova, fakültənin dekan müavini Validə Kərimova, fakültə elmi şurasının katibi Sayad Aslanlı iştirak edirdilər.

Elmi şuranın iclasında 2018/2019 yaz semestrinə qeydiyyatla əlaqədar fakültə dekanı çıxış edərək, tələbələrin fərdi qeydiyyatları, qrup sayları və s. haqqında məlumat verdi. Fakültə dekanı, eyni zamanda, dərs dinləmələrinin əhəmiyyətini vurğulayaraq, dərslərin keyfiyyətinə nəzarətin, sillabusa uyğunluğu məsələlərinə diqqət çəkdi. İclasda İngilis dili və ədəbiyyatı departamentinin baş məsləhətçisi Dr. Bahman Amani ingilis dili qruplarında və dərslərində tədrisin keyfiyyətinin yüksəldilməsi istiqamətində gördükləri tədbirlər haqqında məlumat verdi. Departament müdirləri müzakirə olunan məsələlərə münasibət bildirərək, cari məsələlərin də həllinə yönəlik təkliflər bildirdilər.

Eyni zamanda, şurada gündəlikdəki məsələlər ətrafında müzakirələr aparıldı və müvafiq qərarlar qəbul edildi.