2019-cu il martın 7-də Avropa Birliyi Araşdırmaları Mərkəzinin (European Union Studies Centre) dəvətilə Xəzər Universitetində qonaq olan Çex Respublikasının Azərbaycandakı səfirinin Siyasət və mədəniyyət məsələləri üzrə müavini Daniel Putik tələbələrlə görüşdü. Mərkəzin direktoru Baba Bayramlı qonağı səmimi salamladı və ona Avropa Birliyinin Tempus layihəsi əsasında yaradılmış Avropa Birliyi Araşdırmaları Mərkəzinin məqsəd və fəaliyyət istiqamətləri barədə məlumat verdi. Dəvətə görə öz təşəkkürünü bildirən çexiyalı diplomat tələbələr qarşısında “Çex Respublikası Avropa Birliyində və Çexiya-Azərbaycan münasibətləri” mövzusunda geniş mühazirə ilə çıxış etdi.

Görüşdə fəal iştirak edən tələbələr Daniel Putikə öz suallarını ünvanladılar. Canlı diskussiya şəraitində keçən görüşdən sonra Daniel Putik və Baba Bayramlı Çex Respublikasının Azərbaycandakı səfirliyi ilə Xəzər Universiteti arasında əməkdaşlıq imkanları ilə bağlı müzakirə apardılar.