2019-cu il martın 4-də Xəzər Universitetinin əməkdaşı, “Xəzər” Psixoloji Xidmət Mərkəzinin direktoru, Psixologiya departamentinin koordinatoru Mələk Kərimova Azərbaycan İlahiyyat İnstitutunda (Aİİ) “Qadının müasir cəmiyyətdə yeri və rolu” mövzusunda təşkil edilən tədbirdə iştirak etdi. Psixoloq Mələk Kərimova “Qadın psixologiyası: qadınların problem həll etmə və düşüncə tərzi” mövzusunda çıxış edərək, qadınların beyin quruluşu, düşüncə, hadisələri dəyərləndirmə tərzlərini nümunələrlə izah etdi.
Tədbirdə Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin baş məsləhətçisi Aynur Veysəlova, Penitensiar Xidmətin 4 saylı Cəzaçəkmə Müəssisəsinin tərbiyə işləri üzrə rəis müavini, ədliyyə polkovnik-leytenantı Sevda Zamanova, Azərbaycan Dillər Universiteti Regionşünaslıq kafedrasının dosenti, Gender Araşdırmaları Mərkəzinin direktoru Kifayət Ağayeva, “Təmiz Dünya” Qadınlara Yardım İctimai Birliyinin sədri Mehriban Zeynalova, Penitensiar Xidmətin Tərbiyə İşinin Təşkili İdarəsinin inspektoru, ədliyyə kapitanı psixoloq Gülşən Əliyeva, Azərbaycan İlahiyyat İnstitutu İslamşünaslıq kafedrasının müdiri fəlsəfə üzrə fəlsəfə doktoru Əhməd Niyazov, “SOS Uşaq Kəndləri Azərbaycan Assosiasiyası” İB-nin Milli Proqram inkişaf direktoru sosioloq Cavid İmamoğlu, ekspertlər və İnstitutun müəllim-tələbə heyəti də iştirak edirdi.
Tədbirdə qadının müasir cəmiyyətdə yeri və rolu, bu istiqamətdə aparılan işlər, mövcud problemlər, perspektivlər müzakirə edildi.