2019-cu il fevralın 27-si və 28-də Xəzər Universitetinin Humanitar, təhsil və sosial elmlər fakültəsinin dekanı dosent Elza Səmədli və Tarix və arxeologiya departamentinin müəllimi siyasi elmlər üzrə fəlsəfə doktoru Hatəm Cabbarlı, Türkiyənin Kütahya şəhərində yerləşən Dumlupınar Universiteti tərəfindən təşkil edilən “Mədəniyyətlərin birləşdirici gücü və universitetlərin rolu” adlı beynəlxalq tədbirdə iştirak etdilər. Tədbirdə dünyanın üç qitəsindən 26 ölkədən 50-dən çox universitetin rektorları, prorektorları və məsul şəxsləri bir araya gələrək, unuversitetlər arasında əməkdaşlıq imkanlarını, Mövlana, Ersamus və Farabi tələbə və müəllim mübadiləsi çərçivəsində təhsilin beynəlxalq aləmlə bütünləşməsi məsələlərini müzakirə etdilər. Eyni zamanda, tədbirdə universitetlərin xalqların mədəniyyətinin birləşdirici vasitə olması vurğulandı.
Xəzər Universitetinin müəllimləri E.Səmədli və H.Cabbarlı tədbirdə iştirak edən ölkələrin nümayəndələri ilə görüşərək, əməkdaşlıq imkanlarını dəyərləndiriblər.
Görüşün əsas məqsədlərindən biri universitetlər birliyinin qurulması üçün əməkdaşlıq və niyyət protokollarının imzalanması idi.
Görüşdə, eyni zamanda, Xəzər Universiteti ilə Dumlupınar Universiteti arasında tələbə və professor-müəllim heyətinin mübadiləsi, ikili diplomların verilməsi, ortaq araşdırmaların aparılması, magistratura və doktorantura pilləsində ikinci elmi rəhbərin təyin olunması məsələləri müzakirə olunaraq, əməkdaşlıq protokolu imzalandı. Eyni zamanda, Dumlupınar Universiteti ilə Xəzər Universiteti arasında Mövlana protokolunun da imzalanması razılaşdırıldı.
Görüş haqqında əlavə məlumatı aşağıdakı linklərdən əldə etmək mümkündür: