2019-cu il martın 1-də Xəzər Universitetinin konfrans zalında Dillər və ədəbiyyatlar departamentinin müəllimi Qardaşxan Əzizxanlı aparıcılığı, Azərbaycan Dillər Universitetinin müəllimi şair, esseist və tərcüməçi Qismət Rüstəmovun iştirakı ilə “Dünya ədəbiyyatını öyrənək” layihəsi çərçivəsində “Dünya və Azərbaycan şeiri müasir poetik təfəkkür kontekstində” adlı seminar keçirildi.
Seminarda klassiklərin və çağdaş ədəbi simaların poeziya haqqında fikirləri, ədəbi cərəyanların, ümümilikdə, ədəbiyyatın inkişafında rolu, dünya və Azərbaycan şeirinin istiqamətləri və s. məsələlər müzakirə mövzusu oldu. “525-ci qəzet”in gənc yazarları Orxan Həsəni və Rəvan Cavidin də iştirak etdiyi tədbirdə Xəzər Universitetinin tələbələrdən Suqra Əliyeva, Nərmin Ələkbərova, Səkinə Ələkbərova, Fəridə Həsənli, Əfsanə Zəkiyeva, Sonabəyim Nağıyeva, Günay Nuriyeva və Sadiq Mirzəyev ilk qələm təcrübələri ilə çıxış etdilər.
Tədbirin sonunda Qismət Rüstəmov tərcümə etdiyi V.Nabokovun “Rus ədəbiyyatından mühazirələr” və tərtibçisi olduğu “Edqar Podan Etqar Keretə qədər” kitablarını hədiyyə etdi, fərqli deyim tərzi ilə seçilən şeirlərini oxudu.