11 fevral 2019-cu ildə Xəzər Universiteti İngilis dili və Ədəbiyyatı departamentində tərcümə və dilşünaslıq ixtisası üzrə magistratura tələbələrinin dissertasiya işlərinin müdafiəsi təşkil edildi. Müdafiə şurasında İngilis dili və ədəbiyyatı departamentinin müdiri Bahman Amani (PhD), İngilis dili və ədəbiyyatı departamentinin proqram koordinatoru Milana Abbasova (PhD nam.), İngilis dili və ədəbiyyatı departamentinin müəllimi İrina Orucova (PhD), Azərbaycan Dillər Universitetinin Xarici dillər kafedrasının professoru Azad Məmmədov, Azərbaycan Dillər Universitetinin baş müəllimi İradə Səmədova (PhD) və Azərbaycan Dillər Universitetinin baş müəllimi Sevil Qurbanova (PhD) iştirak edirdilər.

Müdafiə şurasının sədri filologiya üzrə fəlsəfə doktoru İrina Orucovanın rəhbərliyi ilə keçirilən müdafiədə müzakirələrə yer verildi, iddiaçılar sualları cavablandırdılar və Magistr dərəcəsini almaq üçün Səbinə Səfərli, Firuzə Nəsibzadə, Fəridə Mamedova, Nuranə İsgəndərova və Sevinc Dadaşzadə dissertasiya işlərini uğurla müdafiə etdilər.