2019-cu il fevralın 14-də Xəzər Universiteti Tarix və arxeologiya departamentinin təşkilatçılığı ilə Horizon-2020 layihəsinin iştirakçıları ilə işgüzar görüş oldu. Görüşün əsas məqsədi akademik mədəniyyətlərin və elmi biliklərin mübadiləsinin təşkili, universitetlər arasında institutlararası beynəlxalq əməkdaşlığın yaradılması idi.

Qonaq qismində Qrats Universitetinin müəllimi və cənub-şərqi Avropa tarixi və antropologiya üzrə mütəxəssis, Horizon 2020 –“Biliyin mübadiləsi və akademik mədəniyyətlər, humanitar elmlərdə, Avropa və Qara dəniz bölgəsi” layihəsinin layihə meneceri Dominik Gutmeyr, AMEA Arxeologiya və Etnoqrafiya İnstitutunun şöbə müdiri, Horizon 2020-layihəsinin Azərbaycan üzrə milli koordinatoru Zaur Həsənov, Batumi Dövlət Universitetinin Tarix, arxeologiya və etnologiya departamentinin professoru (associate professor), layihənin əməkdaşı Tamaz Putkaradze, AMEA Arxeologiya və Etnoqrafiya İnstitutunun Elmi ekspedisiya şöbəsinin elmi işcisi, layihənin əməkdaşı, həmçinin, Xəzər Universitetinin müəllimi Orxan Zamanov, AMEA Milli Azərbaycan Tarix Muzeyi Xarici əlaqələr və elmi-kütləvi iş şöbəsinin müdiri Emin Dadaşov görüşdə iştirak edirdilər.

Eyni zamanda, görüşdə Tarix və arxeologiya departamentinin müdiri Roza Arazova, İngilis dili və ədəbiyyatı departamentinin baş müəllimi Firəngiz Nəsirova, Tarix və arxeologiya departamentinin müəllimi Ziya Səmədov və departamentin assistenti İlahə Yusifli də iştirak edirdilər.

Görüşü giriş sözü ilə Tarix və arxeologiya departamentinin müdiri Roza Arazova açdı. O, elm sahəsində beynəlxalq əməkdaşlığın vacibliyini vurğuladı.