2019-cu il fevralın 14-də Tehran Universitetinin Aras beynəlxalq kampusunun nümayəndəsi Dr. Fərzad Qasemzadə Xəzər Universitetinin “Neftçilər” kampusunda oldu.
Görüşün məqsədi iki universitet arasında əməkdaşlıq imkanlarını, xüsusilə, tədqiqat və birgə təhsil proqramlarını müzakirə etmək idi. Görüşdə, eyni zamanda, doktorantların və əməkdaşların mübadiləsi, Xəzər Universitetinin diplomunun İranda tanınması və qarşılıqlı maraq doğuran digər məsələlər müzakirə olundu.
Görüşdə Xəzər Universitetindən rektor vəzifəsini icra edən dosent İradə Xəlilova, Tədris işləri üzrə prorektor professor Məhəmməd Nuriyev, İqtisadiyyat və menecment fakültəsinin dekanı Dr.Ceyhun Məmmədov, Magistratura, doktorantura və elmi-tədqiqat bölməsinin koordinatoru Cabir Məmmədli, Beynəlxalq əlaqələr şöbəsinin direktoru Turan Cəfərova iştirak edirdilər.
Qeyd edək ki, tezliklə iki universitet arasında Anlaşma Memorandumunun imzalanması gözlənilir.