2019-cu il fevralın 9-da Xəzər Universiteti İqtisadiyyat və menecment fakültəsinin turizm və otelçilik ixtisasının tələbələri İqtisadiyyat və menecment departamentinin müəllimləri –Kamran Behbudov və Qəhrəman Yusupovun rəhbərliyi ilə şimal turunda oldular. Tur müddətində tələbələr Azərbaycanın turistik bölgələrindən biri olan Quba və Qusar rayonlarına səyahət etdilər.
Quba rayonunda səfər zamanı tələbələr Quba rayon Tarix-Diyarşunaslıq muzeyi, Gümbəzli Hamam və bir çox digər tarixi və görkəmli yerlərində oldular.
Tur çərçivəsində tələbələrə müəllimlər və muzey işçiləri tərəfindən Quba rayonun tarixi, görkəmli şəxsiyyətləri, Quba xalçaları, həmçinin, Qubanın tarixinin bir hissəsini özündə əks etdirən qədim saxsı qablar və incəsənət nümunələri haqqında məlumat verildi.
Turun ikinci hissəsində isə tələbələr müəllimlərlə birgə Qusar rayonunda yerləşən Şahdağ Turizm mərkəzində oldular, Turizm mərkəzində tələbələr Qış turizmi sahəsində fəaliyyət göstərən Şahdağ turizm kompleksinin fəaliyyəti ilə əyani tanış oldular.
Həmçinin, tur müddətində iştirakçılar bir çox maraqlı yarışma və əyləncələrdə iştirak etdilər.
Turunun 2-ci mərhələsi kimi Tufandağa səfər planlaşdırılır.