2019-cu il fevralın 6-dan 9-dək Türkiyənin İstanbul şəhərində Mərmərə Qrupu Sosial və Araşdırmalar Vəqfinin 22-ci Avrasiya İqtisadi Zirvəsi keçirildi. Zirvə toplantısına dünyanın 40 ölkəsindən 500-ə yaxın nümayəndə, 10 müxtəlif ölkələrin prezidentləri, 16 ölkənin baş nazirləri, 21 ölkədən nazirlər, nazir müavinləri, dini rəhbərlər və elm adamları iştirak edirdilər. Toplantıya Xəzər Universitetinin İctimai əlaqələr və media üzrə direktoru Əlövsət Əmirbəyli rəsmi dəvət edilmişdi. Zirvə toplantısının ilk günü rəsmi açılış tədbiri həyata keçirildi. Açılışda müxtəlif ölkələrin dövlət rəhbərləri adından göndərilən təbriklər oxundu.

Zirvə toplantısının ikinci günü “22 illik sülh və dialoq “mövzusuna həsr edilmişdi. Xəzər Universitetinin İctimai əlaqələr və media üzrə direktoru Ə.Əmirbəyli toplantının katibliyinə seçildi. Toplantıda Türkiyə Böyük Millət Məclisinin başqanı Binəli Yıldırım, Türkiyə Cümhuriyyətinin sabiq prezidenti Abdullah Gül, Albaniyanın sabiq prezidenti Bujar Nishani, Sloveniyanın sabiq prezidenti Danilo Turk, Rumıniyanın sabiq prezidenti Emil Konstantinesku, Makedoniyanın sabiq prezidenti Gjorge İvanov, Xorvatiyanın sabiq prezidenti İvo Josipoviç, Bosniya-Hersoqovina Respublikasının sabiq prezidenti Mladen İvaniç, Moldova Respublikasının sabiq prezidenti Petru Luçinski, Latviya Respublikasının sabiq prezidenti Valdis Zatlers, Xorvatiya Respublikasının sabiq prezidenti Stjepan Mesiç, Avstriyanın sabiq müdafiə naziri Verner Fasslabend, Polşa parlamentinin senatoru, sabiq müdafiə naziri Boğdan Adam Klich, Rusiya Federasiyasının sabiq baş naziri Gennadi Burbulis, ŞKTR-nin Səhiyyə naziri Filiz Besim, Monteneqro Respublikasının Səhiyyə naziri Kenan Hrapoviç, KEİPA-nın Baş Katibi Asəf Hacıyev, Türkiyə Ekümenik Patriki Bartholomeos, Türkiyə Hamambaşısı İsak Haleva, Liviyanın Baş naziri Fouad Siniora, Türiyə Süryanilər Katolik kilsəsinin Patriki Orhan Çanlı və digərləri çıxış etdilər. Zirvə toplantısının sonuncu günü qonaqların şərəfinə rəsmi ziyafət verildi. Ziyafətdə Azərbaycandan dəvət olunan incəsənət ustaları böyük konsert proqramı ilə çıxış etdilər.