2019-cu il yanvarın 24-də Xəzər Psixoloji Xidmət Mərkəzinin direktoru, Psixologiya departamentinin koordinatoru psixoloq Mələk Kərimova Xəzər Universitetinin nəzdində fəaliyyət göstərən “Dünya” məktəbində valideynlərlə görüş keçirdi. Görüş zamanı valideynlərin övladları ilə ünsiyyətində onların yaş xüsusiyyətlərinin nəzərə alınması, məktəb-ailə-müəllim münasibətlərinin və qarşılıqlı əməkdaşlığının zəruriliyi, valideynlərin uşaqlara yanaşma tərzlərində “doğru”qəbul edilən “səhvləri” və yaxın gələcəkdə cəmiyyətin ehtiyac hiss edəcəyi bilik, bacarıqlar, qabiliyyətlər üzərində müzakirə aparıldı. Şagirdlərin həyatı sevən, işindən zövq alan, yaxşı bir münasibət qurmaları və bu cəhətdən ailənin yanaşma tərzləri mövzusunda maraqlı diskussiya aparıldı. Valideynlər belə görüşlərin keçirilməsinin vacibliyini, davamlılığının zəruriliyini vurğulayaraq, məmnuniyyətlərini ifadə etdilər.