2019-cu il yanvarın 24-də Xəzər Universiteti ilə Azərbaycan Milli Elmlər Akademiyasının Biofizika İnstitutu arasında elmi əməkdaşlığa dair müqavilə imzalandı.

Biofizika İnstitutun direktoru AMEA-nın müxbir üzvü professor Oqtay Qasımov imzalanacaq sənədin əhəmiyyətindən söz açaraq, bu əməkdaşlığın tərəflər arasında əlaqələrin genişləndirilməsinə təkan verəcəyini, əməkdaşlıq çərçivəsində mühüm nəticələrin əldə olunacağına dair inamını ifadə etdi. Daha sonra Xəzər Universitetinin Elmi işlər üzrə prorektoru dosent İradə Xəlilova çıxış edərək, Biofizika İnstitutu ilə əməkdaşlıqdan məmnunluğunu ifadə etdi, cari memorandumun iki qurum arasında əlaqələrin genişləndirilməsi ilə yanaşı, təhsil və elmin inkişafına da təkan verəcəyini bildirdi.

Görüşdə Biofizika İnstitutunun Elmi işlər üzrə direktor müavini biologiya üzrə elmlər doktoru Kərim Qasımov, Neft-Kimya Prosesləri İnstitutunun direktoru akademik Vaqif Abbasov və Xəzər Universitetinin Bioloji elmlər departamentinin dosenti Cavid Ocaqi də iştirak edirdilər.