2019-cu il yanvarın 19-da 20 Yanvar –Ümummilli Hüzn Günü Xəzər Universitetinin İqtisadiyyat və menecment fakültəsinin “Turizm və otelçilik” ixtisasının müəllimi Kamran Behbudov həmin ixtisasın tələbələri üçün “20 Yanvar – Müstəqilliyə gedən yol” adlı tematik tur keçirdi.

Tematik tur “Elmlər Akademiyası” metrosundan birbaşa Şəhidlər Xiyabanına yürüş kimi həyata keçirildi.

Tur zamanı tələbələrə Azərbaycanın 1988-ci ildən bu günə kimi olan tarixi həqiqətləri haqqında məlumat verildi. Bundan başqa, iştirakçılar Ümummilli Lider Heydər Əliyevin məzarına baş çəkdilər. İştirakçılara Heydər Əliyevin Azərbaycanın müstəqillik qazanmasında müstəsna rolu haqqında danışıldı.

Həmçinin, “turizm və otelçilik” ixtisasının tələbələrinə turlar zamanı “Tarixin müstəqillik hadisələri və tarixi abidələr haqqında turistlərə necə danışılmalıdır” mövzusunda kiçik təlim keçirildi.

Onu da əlavə etmək lazımdır ki, tur iştirakçılarına Yasamal Rayonunun 167 nömrəli məktəbinin “Vətənpərvər klubu”nun fəalları da qoşulmuşdular.