Xəzər Universitetinin nəşri olan “Azərbaycan arxeologiyası” jurnalının növbəti sayı (Cild:21, say 2, 2018) çapdan çıxdı. Jurnalın bu buraxılışı görkəmli Azərbaycan arxeoloqlarından biri, tarix elmləri doktoru, professor, Azərbaycan MEA-nın müxbir üzvü Qara Məmməd oğlu Əhmədovun 90 illiyinə həsr edilmişdır.

Jurnalın bu buraxılışında yerli arxeoloqlarla yanaşı, xarici arxeoloqların da yazılarına yer verilmişdir. Andreas Schachnerin məqaləsi, Sergey Bocharov və Ayrat Sitdikovun birgə yazısı bu sayda çap olunmuşdur.

Yerli arxeoloqların da yazıları jurnalda çap edildi. Qüdrət İsmayılovun, Tarix Dostiyevin, Emil İsgəndərovun, Rəşid Bəşirovun, Xaqani Həbibovun, Şəhla Nuruzadənin məqalələri jurnalda yer almışdır.

Jurnalın ikinci hissəsini xronikalar təşkil edir. Xronikada müxtəlif keçirilən konfranslar haqqında məlumatlar verilmişdir. Naxçıvan: İslam Mədəniyyətinin Paytaxtı, İssık-Göl sahilində arxeoloqların Beynəlxalq Konfransı, Azıxantropun tapılmasının 50 illiyinə həsr olunmuş beynalxalq konfransın elmi praktik əhəmiyyəti haqqında məlumatlar jurnalın bu sayında öz əksini tapmışdır.