2019-cu il yanvarın 8-də Xəzər Universitetinin Bioloji elmlər departamentinin təşkilatçılığı ilə tədqiqat seminarı keçirildi. Seminarda dəvət edilmiş məruzəçi Zəncan Tibb Universitetinin Xərçəngin Gen Terapiya Araşdırma Mərkəzinin tədqiqatçısı Dr. Saeed Koboli “CRISPR/Cas9 sistemi: təkmilləşmələr və imkanlar” (“The CRISPR/Cas9 system: advances and opportunities” mövzusunda təqdimat etdi.

Seminarda Azərbaycan Tibb Universitetindən professor Tahirə Əsgərova, dosent Gülnarə İbrahimova, dosent Aidə Əliyeva, Dr. Hafiz Osmanov, AMEA-nın Biofizika İnstitutunun direktor müavini professor Kərim Qasımov, Bakı Dövlət Universitetinin dosenti Samirə Salayeva, AMEA-nın Genetik Ehtiyatlar İnstitutunun dosenti Ruhəngiz Məmmədova və Könül Həsənova, həmçinin, tələbələr iştirak edirdilər.

Seminarda mövzu ətrafında maraqlı müzakirələr aparıldı.