2019-cu il yanvarın 10-dan 13-dək bütün dünyanın iştirak edə biləcəyi “100 saat Astronomiya” tədbir keçirildi. Tədbir Beynəlxalq Astronomiya İttifaqı (BAİ) özünün 100 illiyinə və ötən yüz il ərzində elm, texnika və mədəniyyəti formalaşdıran astronomik kəşflərə həsr olunmuşdu. Qeyd edək ki, il ərzində buna bənzər sislsilə tədbirlər keçiriləcək.
Tədbirin keçirildiyi zaman ərzində bu sahənin mütəxəssisləri, həvəskar astronomları və ictimaiyyəti öz astronomiya biliklərini və təcrübələrini bölüşdülər. Tədbirə 50 müxtəlif ölkədən 250-dən artıq iştirakçı qatılmışdı. Xəzər Universiteti də bu tədbirdə Dr. Fəxrəndə Əlimərdanovanın rəhbərliyi ilə “Women & Girls in Astronomy” adı altında qeydiyyatdan keçmişdi.
Beynəlxalq Astronomiya İttifaqının və Tusi-Bohm Planetariumun təşkilatçılığı ilə keçirilən “Women & Girls in Astronomy” tədbiri Xəzər Universiteti, Qərbi Kaspi Universiteti, Bakı Dövlət Universiteti tələbələrinin iştirakı ilə 2019-cu il yanvarın 12-də reallaşdı. Tədbirdə Fəxrəndə Əlimrərdanova cıxış edərək, tələbə qızlara tədbirin mahiyyətindən və astronomiyada dünyaca məşhur astronom qadınların əldə etdikləri nailiyyətlərdən, elmə verdikləri töhfələrdən danışdı. Həmçinin, tədbirdə tələbələr Günəş, Ay və Mars planetini teleskopla müşahidə etdilər.
Bu tədbir hamı üçün nəzərdə tutulmuş 2 teleskopdan birini udmaq şansı da yaradır. Belə ki, hər kəs sosial şəbəkədə #100HoursOfAstronomy və #IAU100 açar sözlərini paylaşmaqla, qalib ola bilər.