2018-ci il dekabrın 21-də Xəzər Universitetinin Mərkəz kampusunda – Fikrət Əmirov Konfrans-Konsert Mərkəzində Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin əməkdaşları üçün Xəzər Universiteti Kamera orkestrinin (bədii rəhbər Musiqi və incəsənət departamentinin müdiri, əməkdar müəllim, professor, pianoçu Zülfiyyə Sadıqova) konserti oldu. Dirijor Azərbaycan Respublikasının Xalq artisti Fəxrəddin Kərimov idi.
Konserti giriş sözü ilə Azərbaycan Milli Konservatoriyasının prorektoru professor Lalə Hüseynova açdı.
Sonra solistlər – Əməkdar artist Lalə Məmmədova, Emin Zeynallı, Aynur İsgəndərli, Nigar Cəlilova, Orxan Cəlilov, Ayan Qurbanova və Pərviz Qasımov tərəfindən Azərbaycan bəstəkarlarının əsərləri, həmçinin Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının sözlərinə bəstələnmiş mahnılar ifa olundu. Solo zurnada əməkdar artist Şirzad Fətəliyev, zərb alətlərində Nizaməddin Əzizov çıxış edirdilər.