2018-ci il dekabrın 26-da Xəzər Universitetində şair-esseist Fərid Hüseynlə görüş keçirildi. Görüşdə “Zəkioğlu” nəşriyyatının direktoru, tərcüməçi İlknur Yurdanur və yazıçı Mirmehdi Ağaoğlu da iştirak edirdilər. Azərbaycan dili və Ədəbiyyatı departamentinin müəllimi, görüşün təşkilatçısı, şair Qardaşxan Əzizxanlı çıxış edərək, tədbirin ikinci dəfə baş tutmasından məmnun olduğunu bildirdi.
Sonra tələbə Zeynəb Bağırovanın Nobel mükafatı laureatı Boris Pasternakın həyat və yaradıcılığı haqqında çıxışı dinlənildi. Tələbənin çıxışından sonra “Zəkioğlu” nəşriyyatının direktoru, tərcüməçi İlknur Yurdanur Fərid Hüseynin şeirini səsləndirdi. Daha sonra Fərid Hüseyn “Məcnunlar və Leyli” mühazirəsini təqdim etdi.
Mühazirə dinlədildikdən sonra yazıçı Mirmehdi Ağaoğlu çıxış edərək, görüş barədə təəssüratlarını bölüşdü.