2018-ci ilin dekabrında Xəzər Universiteti Təlim və Tədris Mərkəzinin Direktoru Ülkər Bayramovanın “Azərbaycanda ali təhsil müəssisələrində informasiya-kommunikasiya texnologiyalarının tədrisə tətbiqinin mövcud vəziyyəti” adlı məqaləsi Azərbaycan Dövlət Pedaqoji Universitetinin “Pedaqoji Universitetin xəbərləri”: Riyaziyyat və təbiət elmləri seriyasının 66-cı cild, 4-cü nömrəsində Azərbaycan Turizm və Menecment Universitetinin müəllimi dos.Qahirə Məmmədovanın həmmüəllifliyi ilə çap edilmişdir. Məqalədə İKT-nin təhsilə tətbiqi, ali təhsil müəssisələrində onlayn təhsil və onlayn təhsil platformalarından istifadə məsələlərinə toxunulmuş və aparılmış sorğuların nəticələri müzakirə edilmişdir.