Xəzər Universitetinin təsisçisi,
Direktorlar və Qəyyumlar Şurasının sədri,
cənab professor Hamlet İsaxanlıya

Hörmətli Hamlet müəllim!

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin əməkdaşları üçün Xəzər Universiteti nəzdində fəaliyyət göstərən Kamera orkestrinin 21 dekabr 2018-ci il tarixdə universitetin Fikrət Əmirov Konfrans-Konsert Mərkəzində təqdim etdikləri xüsusi konsert proqramının təşkilinə görə razılığımızı ifadə edirəm.

Xidmətin hərbi qulluqçularının və mülki işçilərinin ailə üzvləri ilə birgə iştirak etdikləri konsert proqramı orkestrin bədii rəhbəri, professor Zülfiyyə Sadıqovanın təşkilatçılığı ilə həm forma etibarı ilə, həm də məzmun baxımından maraqlı düşünülmüş və hazırlanmış dolğun repertuar Xidmət əməkdaşlarının asudə vaxtının səmərəli təşkili işinə töhfə olmuşdur. Orkestr kollektivinin professional ifaları, solistlərin çıxışları iştirakçılar tərəfindən rəğbətlə qarşılanmışdır.

Sizə və kollektivinizə bu əməkdaşlığa görə təşəkkürümüzü bildirir, orkestrin hər bir üzvünə yaradıcılıq uğurları arzulayıram.

Hörmətlə,

Azərbaycan Respublikası
Səfərbərlik və Hərbi Xidmətə
Çağırış üzrə Dövlət Xidmətinin rəisi
general-leytenant Arzu Rəhimov

24 dekabr 2018-ci il