2018-ci il dekabrın 24-də “Xəzər Universiteti”nin İqtisadiyyat və menecment fakultəsinin I kurs tələbələri II Dünya müharibəsi dövründə Avropada antifaşist hərəkatının məhşur azərbaycanlı döyüşçüsü, Sovet İttifaqı Qəhrəmanı Mehdi Hüseynzadəyə həsr olunmuş təqdimatlar etdilər. Mehdi Hüseynzadənin uşaqlıq və tələbəlik illəri, təhsili və Sovet Ordusunda xidməti, Avropada antifaşist hərəkatında iştirakı, döyüş meydanında qəhrəmanlıqları, xatirəsinin əbədiləşdiriləmsi ilə bağlı prezentasiyaların tərtib edilməsini Tarix və arxeologiya departamentinin müəllimi t.ü.f.d. Səbuhi Əhmədov təklif etmişdi. Tələbələr Azərbaycanın qəhrəman oğlu ilə bağlı müxtəlif səpkili prezentasiyalar təqdim etdilər.

Prezentasiyanı təqdim edən hər tələbə ümumi məqamlarla bərabər, bəzi işlərin görülməsini xüsusi vurğuladılar. Nərminə Rəsulova Mehdi Hüseynzadənin uşaqlıq və tələbəlik illəri barədə məlumat verdi. Aytən İsayeva və Fatimə Vəlizadə birgə hazırladıqları təqdimatda məhşur partizanın qəhrəmanlıqları haqqında danışdılar, onun döyüşdüyü yerlərin müasir fotolarını da təqdim etdilər. Gülnar Qasımlı qəhrəmanın xatirəsinin necə əbədiləşdirilməsi, onun şərəfinə ucaldılmış abidələr, keçirilmiş tədbirlər, çəkilmiş filmlər haqqında məlumat verdi.