2018-ci il dekabrın 27-də Xəzər Universiteti Azərbaycan dili və ədəbiyyatı departamentinin müəllimi dosent Xatirə Yusifova əski əlifba fənnindən “Əlyazma nümunələri ilə tanışlıq” mövzusunda olan dərsini AMEA Məhəmməd Füzuli adına Əlyazmalar İnstitutunun Ekzpozisiya zalında keçirdi. Tələbələr dərs zamanı Yaxın və Orta Şərq, Şimali Afrika ölkələrinin və xalqlarının mədəniyyətinə dair türk, ərəb və fars dillərində olan qiymətli əlyazmalarla əyani tanış oldular. Eyni zamanda, tələbələr Azərbaycanın XIX-XX əsrlərdə yaşamış görkəmli elm və mədəniyyət xadimlərinin şəxsi sənədləri, əski çap kitabları, əvvəlki dövrlərin qəzet və jurnalları, müxtəlif mikrofilm və foto surətlərlə tanış oldular.