2018-ci il dekabrın 17-də Riyaziyyat departamentinin profesooru Nazim Kərimovun 60 illiyi münasibətilə yubiley tədbiri keçirildi. Tədbirdə universitetin rəhbərliyi, dekanlar, departament müdirləri və əməkdaşlar iştirak edirdilər.

Tədbiri giriş sözü ilə universitetin rektoru Dr. Hassan Niknafs açdı. O, profüssor Nazim Kərimovun fəaliyyəti haqqında qısa təbrik nitqi söylədi. Sonra Riyaziyyat departamentinin müdiri Əli Hüseynli Nazim Kərimovun biografiyası haqqında qısa məlumat verdi və onun elmi və pedaqoji fəaliyyəti haqqında danışdı. Tədbir Xəzər Universitetinin prorektoru İsaxan İsaxanlının, Riyaziyyat departamentinin dosenti Tərlan Qarayevin təbrik nitqləri ilə davam etdi. Sonda Nazim Kərimova gül dəstəsi və hədiyyə təqdim olundu, kollektiv xatirə şəkli çəkildi.

Professor Nazim Kərimov yubiley tədbirinin təşkilinə görə universitet rəhbərliyinə və iştirakçılara təşəkkürünü bildirdi.