2018-ci il dekabrın 20-də tarixində Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı TİKA-nın Bakı ofisində təşkilatın rəhbəri Teoman Tiryaki ilə görüşdü. H.İsaxanlı Xəzər Universiteti haqqında geniş məlumat verərək, Teoman bəyə universitetin tarixinə həsr edilmiş “Xəzərin sorağında” kitabını təqdim etdi. Görüş zamanı hər iki tərəfi maraqlandıran müxtəlif məsələlər müzakirə olundu. TİKA-nın Bakı ofisinin rəhbəri yaxın zamanlarda türkiyəli iş adamları ilə birlikdə Xəzər Universitetini ziyarət edəcəyini bildirdi. Görüşdə universitetin İctimai əlaqələr və media üzrə direktoru Əlövsət Əmirbəyli də iştirak edirdi.