2018-ci il dekabrın 3-dən 7-dək “Hermeir College”-in və “Autism Medical Institute”-un birgə təşkilatçılığı ilə Kosovada 1-ci Beynəlxalq Autizm Konfransı keçirildi. Konfransda Azərbaycanla yanaşı Türkiyə, Hollandiya, Serbiya, Kosova, İşveçrədən autizm üzrə mütəxəssislər iştirak edirdilər. Konfransda Azərbaycandan, “Autism and learning process” adlı məruzəsi ilə Xəzər Universitetinin Psixologiya departamentinin müəllimi Kəmalə Əliyeva (dissertant) iştirak edirdi. Konfransda autizmdə təlim və medikal yanaşmalar müzakirə olundu. Xəzər Universiteti ilə yanaşı konfransda Glasgow Universitetindən J.Aiteken, “World Health Foundation”-dan professor E.Vogelaar, “Hermier College”-dən professor B.Radic, “Autism Medical Institute”-dən dosent doktor C.Kınacı və “Union Health Terapijski”-dən D.Helc öz məruzələri ilə çıxış etdilər.

Qeyd edək ki, K.Əliyeva 2015-ci ildən Türkiyə “Autism Medical Center”-in üzvüdür.