2018-ci il dekabrın 21-də Lənkəran Dövlət Universitetində (LDU) “İnteqrasiya mühitində Azərbaycan elminin qarşısında duran vəzifələr” mövzusunda gənc tədqiqatçıların (magistrant və doktorant) respublika elmi konfransı keçirildi. Konfransda “İnteqrasiya mühitində Azərbaycan ali təhsilində innovasiyalar” məruzəsi ilə Xəzər Universiteti Təlim və Tədris Mərkəzinin direktoru Ülkər Bayramova (dissertant), “Noam Xomskinin sintaktik təlimində üst qat təhlili” məruzəsi ilə Humanitar və Sosial Elmlər fakültəsinin dekan müavini Validə Kərimova (doktorant) və “Xüsusi qayğıya ehtiyacı olan uşaqların yaşıdları ilə birgə təhsilinin vacibliyi” məruzəsi ilə fakültənin Psixologiya departamentinin müəlliməsi Kəmalə Əliyeva (dissertant) çıxış etdilər. Keçirilən beynəlxalq konfransda ölkədə təhsilin inkişafı istiqamətində görülən işlərin və bu sahədə qazanılan uğurların, gənc tədqiqatçıların elmi işlərə cəlb edilməsinin, elmin inkişafı üçün gənclərin elmə həvəs göstərmələrinin, elmi tədqiqatlar aparmağa marağın artmasının müsbət hal olduğu qeyd olundu.

Rəsmi hissədən sonra konfrans işini bölmələrdə davam etdirdi. Müxtəlif bölmələr üzrə bütövlükdə 120-dən artıq çıxış dinlənilərək, müzakirə edildi. Konfransın sonunda iştirakçılara sertifikatlar təqdim edildi.