2018-ci il dekabrın 18-də Xəzər Universiteti Tarix və arxeologiya departamentinin əməkdaşları t.ü.f.d. Səbuhi Əhmədov, Orxan Zamanov və İlahə Yusifli Milli Azərbaycan Tarixi Muzeyində keçirilən Azərbaycanın ilk admiralı Cəlil Cavadovun (1918-1980) 100 illiyinə həsr olunmuş “Admiral C.Cavadovun həyat, döyüş və xidməti yolu” adlı təntənəli tədbirdə iştirak etdilər.
S.Əhmədov “Azərbaycanın ilk admiralı C.Cavadov” adlı məruzə ilə çıxış edərək, igid sərkərdənin döyüş yolundan, II Dünya müharibəsindəki iştirakından, müharibədən sonrakı dövrdə respublikada hərbi-vətənpərvərlik işinin təşkilindən danışmış, müvafiq fotolardan ibarət prezentasiya nümayiş etdirmişdir.
Tədbirdə həmçinin Azərbaycan Müdafiə Nazirliyi tərəfindən çap olunmuş, müəllifi S.Əhmədov olan “Admiral Cavadov. Həyatı və döyüş yolu” adlı kitabın təqdimatı keçirildi.