13 dekabr 2018-ci il tarixində Hindistanın Azərbaycandakı sabiq səfiri cənab Sancay Rana Xəzər Universitetinin qonağı oldu.

Öncəliklə cənab səfir Universitetin rektoru Dr. Hassan Niknafsla görüşdü. Görüşdə həmçinin İqtisadiyyat və Menecment fakültəsinin müəllimi Kamran Behbudov və Beynəlxalq əlaqələr şöbəsinin direktoru Turan Cəfərova da iştirak etdilər. Cənab səfir Hindistanın tarixi, siyasəti, tarixi şəxsiyyətləri və mədəniyyətinə həsr edilmiş 70-ə yaxın kitabı universitetin kitabxanasına hədiyyə etdi.

Görüşün ardınca səfir Universitetin İqtisadiyyat və Menecement fakültəsinin tələbələri qarşısında “Hindistan: turizm, iqtisadiyyat, sosial sahələr və Azərbaycanla ikitərəfli əlaqələr” adlı seminarla çıxış etdi. O, Hindistan və Azərbaycan arasında mövcud olan mədəni və iqtisadi əlaqələr, o cümlədən, gələcək inkişaf potensialı üçün məqamları təsvir etdi. Mühazirə yerli və əcnəbi tələbələr və universitetin heyəti tərəfindən böyük maraqla qarşılandı.

Mühazirənin moderatoru İqtisadiyyat və Menecment fakültəsinin müəllimi Kamran Behbudov sonda Xəzər Universitetinin təsisçisi, Direktorlar və Qəyyumlar şurasının sədri Prof. Hamlet İsaxanlının müəllifi olduğu “Xəzərin sorağında” adlı kitabını və digər qiymətli hədiyyələri səfirə təqdim etdi.