2018-ci il dekabrın 13-də Azərbaycan Respublikasının Dövlət Statistika Komitəsi yanında Statistika Şurasının iclası keçirildi. Statistika Şurasının üzvü, Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı da şuranın iclasında müzakirələrdə iştirak etdi.
Şuranın iclasında “2018-2025-ci illərdə Azərbaycan Respublikasında rəsmi statistikanın inkişafına dair Dövlət Proqramı”nın icrası üzrə 2019-cu ildə nəzərdə tutulan tədbirlərlə bağlı iş planı və 2018-ci il oktyabrın 1-dən 10-dək Qəbələ rayonunda keçirilmiş əhalinin sınaq siyahıyalınmasının yekunları müzakirə olundu.