2018-ci il noyabrın 28-də Polşanın paytaxtı Varşava şəhərində Milli Yaddaş İnstitutunun təşkilatçılığı ilə Sovet dövründə təqib edilmiş polyaklarla bağlı tədbir keçirildi. Sərgi, filmin nümayişi və konfransdan ibarət olan bu tədbirdə Polşanın dövlət rəsmiləri, Ukraynadan gələn alimlər və media təmsilçiləri iştirak edirdilər.

Polşa ictimaiyyətinin böyük marağında olan bu tədbirdə Azərbaycanı tarix elmləri doktoru, Xəzər Universiteti Tarix və arxeologiya departamentinin müəllimi Nəsiman Yaqublu təmsil edirdi. O, konfransda “Azərbaycanda yaşamış polyakların sovet dövründə təqibi” məruzəsi ilə çıxış etdi. Milli Yaddaş İnstitutunun rəhbərliyi N.Yaqublunun polyaklarla bağlı araşdırmalarına dəstək verərək, polyak dilində nəşr edəcəklərini bildirdi.