2018-ci il dekabrın 10-da Xəzər Universitetini cari il noyabrın 16-dan 18-dək Tayland Krallığında keçirilmiş Robot Olimpiadasında layiqincə təmsil etmiş Mühəndislik və Tətbiqi Elmlər fakültəsinin kompüter mühəndisliyi ixtisasının 3-cü kurs tələbələri –Emin Bayramov, Məhəmməd Məmmədli, Vüsal İsmayılov və Rauf Hacıyevdən ibarət “Killshot” komandasının mükafatlandırılması oldu. Görüşdə Mühəndislik və Tətbiqi Elmlər fakültəsinin dekan əvəzi Dr. Hassan Niknafs komanda üzvlərini və onların müəllimlərini əldə etdikləri uğur münasibətilə təbrik edərək, onlara “Təşəkkürnamə” və hədiyyələr təqdim etdi və gələcək illərdəki yarışlarda daha böyük uğurlar arzuladı.

Görüşdə, həmçinin, Mühəndislik və Tətbiqi Elmlər fakültəsinin birinci və ikinci kurs kompüter elmləri və kompüter mühəndisliyi ixtisasının tələbələri də iştirak edirdilər. Dr. Hassan Niknafs onların da tələbə yoldaşlarının uğurlarından həvəslənərək, bu tipli yarışlarda daha aktiv şəkildə iştirak etmələrini tövsiyə etdi.

Qeyd edək ki, 66 ölkənin qalib komandalarından ibarət 90 komanda arasında 58-ci yerdə qərarlaşmış “Killshot” komandası Cənubi Koreya, Brazilya, Vietnam, Tayland, ABŞ kimi Robotiks sahəsində tanınmış ölkələri geridə qoymağı bacarmışdır.