2018-ci il dekabrın 8-i və 9-da Xəzər Universiteti Hüquq departamentinin Hüquq Tədris Mərkəzində mütəmadi olaraq həyata keçirilən hüquq-maarrifləndirmə tədbirləri silsiləsindən “Ayrı-seçkiliyin qadağan olunması və onunla bağlı Avropa İnsan Hüquqları Məhkəməsinin yanaşması” mövzusunda növbəti təlim keçirildi. Təlimdə Bakı Dövlət Universitetinin, Dövlət İdarəçilik Akademiyasının hüquq ixtisasının cari il tələbələri, məzunları və Xəzər Universitetinin tələbələri iştirak edirdilər.
Beynəlxalq Hüquqşünaslar Assosiasiyası tərəfindən təlimatçıların və iştirakçıların təqdimatından sonra 1-ci gün təlimi, qadınların (insan) hüquqları: gender bərabərliyi, cinsi stereotiplər və cins əsasında ayrı-seçkiliyin qadağası, diskriminasiyaların qadağan olması müddəalarını əhatə edən yerli qanunvericilik, AİHM-in ailədaxili zorakilığı əhatə edən qərarları: 1. Müdafiə öhdəliyi (Maddə-2 və 3); 2. Araşdırma öhdəliyi (Maddə-2; 3 və 8) mövzuları ətrafında keçirildi. 2-ci gün təlimi isə sübutlar; müdafiə vasitələri; hökmlərin oxunması və icrası; cinsi həssas iddialar və məhkəmə zalının idarə edilməsi; qadın şahid və müttəhimlərlə ünsiyyət və s. mövzuda aparıldı. Təlim kifayət qədər interaktiv şəkildə keçirildi və iştirakçıların böyük marağına səbəb oldu. Təlimi Avropa İnsan Hüquqları Assosiasiyasının üzvü Avropa İnsan Hüquqları Məhkəməsində hüquqşünas işləmiş Könül Qasımova və yerli və xarici təşkilatlarda çalışan hüquqşünas ekspert Ülviyyə Həsənova aparırdı.