2018-ci il noyabrın 14-də Xəzər Universiteti İqtisadiyyat və menecment fakültəsinin FIST komandasının təşəbbüsü ilə “Qadının cəmiyyətdə rolu” mövzusunda dəyirmi masa keçirildi. Tədbirin məqsədi komandanın devizindən də aydın olduğu kimi, “feminizmi təbliğ etmək deyil, cəmiyyətin qadına münasibətini dəyişmək”dir. FIST komandası və qrup rəhbəri Dr. Bahadır Baysal başda olmaqla, təşkil olunan tədbirdə qadının cəmiyyətdə bir neçə mövqeyinə toxunuldu. Bir çox müsbət fikirlərlə yanaşı, mənfi fikirlər də az deyildi. Müzakirə zamanı tədbir iştirakçıları arasında yaranan fikir ayrılıqları gərgin müzakirələrə səbəb oldu. Komanda üzvləri mənfi rəylərin həlli yollarını təklif etdilər. Tədbirdə fərqli fakültələrin və fərqli yaş təbəqələrinin tələbələri iştirak edirdilər.

Nəzərinizə çatdıraq ki, FIST İqtisadiyyat və Menecment fakültəsinin tələbələrindən ibarət Facebook Qlobal Rəqəmsal Müsabiqəsində (Peer to Peer Facebook Global Digital Challenge) iştirak edən komandadır.