Xəzər Universiteti Tarix və arxeologiya departamentinin müəllimi t.ü.f.d., dosent Səbuhi Əhmədovun “Admiral Cavadov –Həyatı və döyüş yolu” adlı yeni kitabı nəşr olundu. Kitab Azərbaycan xalqının görkəmli hərbi və dövlət xadimi, kontr-admiral Cəlil Məmmədəli oğlu Cavadova (1918-1980) həsr olunmuşdur. C.Cavadov II Dünya müharibəsində fəal iştirak etmiş, kontr-admiral rütbəsinə layiq görülmüş, müharibədən sonrakı dövrdə Azərbaycan OADKYC-nın yaradıcılarından olmuş, hərbi-vətənpərvərlik işinin təşkilində fövqəladə nəticələr əldə etmişdir. Kitab Azərbaycan və Rusiya arxivləri, muzeylər, fərdi kolleksiyalarda olan tarixi materiallar əsasında yazılmışdır. Əsərdə təqdim edilən materialların böyük əksəriyyəti ilk dəfədir ki, nəşr olunur. Kitabda çoxsaylı tarixi fotoşəkillər, arxiv sənədlərinin surətləri təqdim edilmişdir. Kitab Azərbaycan və rus dillərində nəşr olunmuş, həm elmi ictimaiyyət, həm də və geniş oxucu kütləsi üşün nəzərdə tutulmuşdur.