2018-ci ilin noyabrın 29-da Azərbaycan Dövlət İqtisad Universitetində (UNEC) “Bilik əsaslı iqtisadiyyata keçid: Potensial imkanlar” mövzusunda forum keçirildi. Forum UNEC Beynəlxalq İqtisadiyyat Məktəbi (ISE) və “Yüksək Texnologiyalar Parkı” MMC-nin birgə əməkdaşlığı və “Bank Respublika”nın dəstəyi ilə təşkil olundu.

Forumda Xəzər Universitetinin İqtisadiyyat və Menecment fakültəsinin müəllimləri Dr. Elsevər İbadov və Dr. Şəhriyar Muxtarov iştirak etdilər.

Universitet-dövlət-sənaye (U-D-S) əməkdaşlığının aktuallığından və mümkün inkişaf perspektivlərindən geniş bəhs edildi. Həmçinin, bilik iqtisadiyyatı çərçivəsində universitet-dövlət-sənaye modelinin tətbiqi mexanizmi, innovasiya ekosistemi və texnologiyanın transferi kimi məsələlərə toxunuldu. Daha sonra bilik iqtisadiyyatında yeni təhsil paradiqmaları: universitetlərin dəyişən rolu istiqamətində və bilik iqtisadiyyatının fomalaşmasının iqtisadi və institusional çərçivəsi mövzusunda çıxışlar oldu, təhsilin və institusional çərçivənin bilik iqtisadiyyatının formalaşmasındakı mövqeyi müzakirə edildi.

Forum iştirakçıları arasında yekun müzakirə təşkil olundu və Azərbaycanda bilik iqtisadiyyatının qurulması və inkişaf etdirilməsi ilə bağlı konkret təkliflər təqdim olundu.

Forumda dövlət və özəl sektordan nümayəndələr iştirak edirdilər