2018-ci il noyabrın 20-də Xəzər Tədqiqatlara Dəstək Mərkəzinin təşkilatçılığı ilə seminar və təlim keçirildi.

Seminarda Xəzər Universitetinin qonaq müəllimi, Çikaqo Dövlət Universitetinin professoru Nadeem Fazal “Elmi məqalənin oxunması –elm oxuma sənəti” adlı təqdimatla çıxış etdi. Seminardan sonra keçirilən təlimdə Professor Fazal seçilmiş məqalənin oxunmasına dair fərdi olaraq, hər bir tələbəni qiymətləndirdi və onlara praktiki tövsiyələr verdi. O, həmçinin, elmi məqalələrin səmərəli onlayn axtarışına dair məsləhətlər verdi.

Kitabxana-İnformasiya Mərkəzinin direktor müavini Aytac Misgərli və Kataloq departamentinin direktoru Samirə Orucova Xəzər Universitetinin kitabxanası, eləcə də, onlayn məlumatlar bazası və elektron kitablar haqqında məlumat verdilər.